• Մշակելու ենք թափանցիկ, հասկանալի, հասանելի և արդյունավետ երիտասարդական քաղաքականության, որը նախագծված կլինի երիտասարդների համար, երիտասարդների կողմից եւ հաշվի առնելով երիտասարդների պատկերացումներն իրենց եւ երկրի ապագայի մասին՝ հիմվելով երիտասարդակենտրոն զարգացման և ուղիղ ժողովրդավարության սկզբունքների վրա: 
• Նախատեսում ենք բարեփոխումների համակարգման գործառույթը և ինստիտուտը առանձնացնել ամենօրյա կառավարման գործառույթների ինստիտուտներից։ 

Ձևավորելու ենք բարեփոխումների նախագծման,  ներդրման և համակարգման բացառիկ լիազորություններով օժտված մարմին,  որը՝

• չի մասնակցի ամենօրյա կառավարման գործընթացին,
• չի լինի ոլորտային գերատեսչությունների ենթակայության տակ, այլ կհամակարգվի բարեփոխումները համակարգող փոխվարչապետի կողմից, որը չի զբաղվում այլ ոլորտների ամենօրյա կառավարամբ,
• կունենա առանձին բյուջե և գործունեության ծրագիր, որը կհաստատվի կառավարության ծրագրի և պետական բյուջեի հետ մեկտեղ,
• կունենա փոքրաթիվ, լավ վարձատրվող և փորձառու անձնակազմ՝ ըստ բարեփոխման ենթակա ոլորտների և պայմանագրային կամ առանձին թեմաների վերաբերյալ խորհրդատուներ՝ հասարակական հիմունքներով,
• կդառնա ներառման հարթակ սփյուռքի հայ մասնագետների և նրանց փորձառության համար,
• կնախագծի, կներդնի և կհամակարգի բարեփոխումները պետական կառավարման համակարգում։
• Հայաստանի Հանրապետության քաղաքացիներին ենք վերադարձնելու ներառական գործընթացով բարձր լեգիտիմություն ունեցող, պարզ, մատչելի և անվտանգությունը երաշխավորող ՀՀ սահմանդրության ընդունման իրավունքը:  
• Առանձնակի ուշադրություն է դարձվելու միավորման իրավունքին, դրա զարգացմանը և ինստիտուտների ներդմանը։ 
• Անհրաժեշտ է նպաստել խտրականության բացակայությանը, գենդերային հավասարությանը և հնարավորությունների հավասարությանը բոլորի համար՝ անհատական, ընտանեկան, աշխատանքային և հասարակական կյանքի ոլորտներում: Միայն այդ դեպքում հնարավոր կլինի Հայաստանի բնակչության ողջ ներուժը օգտագործել հասարակության բարօրության համար:

• Հանրային եւ մասնագիտական քննարկումների հիման վրա ձեւավորելու ենք առավել արդյունավետ աշխատող կառավարության կառուցվածք եւ պետական կառավարման համակարգ: Գործադիր իշխանությունը պետական եւ տեղական մակարդակով, լիարժեք հաշվետու ենք դարձնելու ժողովրդի ներկայացուցչական մարմիններին: 
• Պետության կառավարմանն ու հանրային ծառայությանը հաղորդելու ենք նոր որակ՝ հիմնված պետականության ընկալման բարձր մակարդակի, պատասխա նատվության, պրոֆեսիոնալիզմի եւ արժանապատիվ վարձատրության վրա
• Հանրային կյանքի տարբեր ոլորտներում արդյունավետ կօգտագործվի կանանց ներուժը։ Պետական կառավարման բոլոր մակարդակներում կանանց հավասարակշռված ներկայացվածության հասնելու նպատակով կորդեգրվի ազգային մեխանիզմ։ 
• Հեշտ կիրառելի ենք դարձնելու մասնակցային եւ անմիջական ժողովրդավարության ինստիտուտների գործադրումը (հանրաքվե, համաժողովրդական հարցումներ եւ այլն)՝ որպես ժողովրդի անմիջական կամքի արտահայտման արդյունավետ միջոց։