«Բարգավաճ Հայաստան» կուսակցություն party cover
«Բարգավաճ Հայաստան» կուսակցություն party logo

«Բարգավաճ Հայաստան» կուսակցություն

Անվտանգ Հայրենիք, Հզոր Պետություն

ՊՈՊՈՒԼԻՍՏԱԿԱՆ ԴԻՍԿՈՒՐՍ. ԳԱԳԻԿ ԾԱՌՈՒԿՅԱՆ
26/01/2022 12:28

«Բարգավաճ Հայաստան» կուսակցության առաջնորդ Գագիկ Ծառուկյանի տեքստերի վերլուծության արդյունքները.

Պոպուլիզմը Հայաստանում» հետազոտությունը իրականացվել է «Քաղաքական երկխոսություն» ՀԿ-ի  և անկախ քաղաքական վերլուծաբան և քաղաքագետ էդգար Վարդանյանի կողմից:

Գագիկ Ծառուկյանի տեքստերում քաղաքականությունը դիտարկվում է որպես «չարի» և «բարու» պայքարի թատերաբեմ, որտեղ «բարին» ժողովուրդն է՝ բարի կամք ունեցող հնարավորինս միատարր միավոր, և մյուս կողմից «չարն» է՝ առանձին խմբեր և անձինք, որոնք ձգտում են խոչընդոտել ժողովրդի բարի կամքի արտահայտումը: Գագիկ Ծառուկյանի խոսքը հաճախ մեղմ տոնայնության վրա է կառուցված, սակայն երբ նա հայտնվում է կոնֆլիկտային իրավիճակում, նրա տեքստերը դառնում են ռազմատենչ, և նրա ընդդիմախոսները, լինեն վարչապետ, լրագրող, թե ընդդիմախոսի հավաքական կերպար, արժանանում են կոշտ լեզվական գրոհի, պիտակավորվում են և դիտարկվում նրա կողմից որպես «չարիք»:

«Ինչ ասում եմ, արդարացի եմ ասում, որևէ մեկը չփորձի ասել, որ Ծառուկյանը այսօր փորձում ա դիվիդենտներ հավաքի, անձնական շահի մասին մտածի, այդ մարդը թող ամենավերջին մարդն ա, դավաճան լինի այդ մարդը, թող թուրք լինի մարդը»: «Ինչքան անբարոյականություն՝ ինձ կանչում են, հետևից էլ տղուս են կանչում»: «Կարմիր դիպլոմը ծանոթի միջոցով են քեզ տվել: Դու էսօրվա օրով եկել եք ուզում եք հունից հանեք, ասում եք՝ ինչի՞ ես պատգամավոր: Բա դո՞ւ ես ուզում պատգամավոր դառնաս: Դու ի՞նչ ես անելու: Հիմա կեսից ավելին քո պես պատգամավոր է, որ քարը քարին չի դրել»: (Այս խոսքերն ասվել են ի պատասխան լրագրողի այն հարցի, որ եթե բիզնեսը քաղաքականությունից տարանջատված է, այդ դեպքում Ծառուկյանն ինչո՞ւ է պատգամավոր:) «Եթե ժողովրդի համար ընդունելի չի, ուրեմն մեզ համար էլ ընդունելի չի»:

«Ժողովրդից թաքուն ո՛նց կարելի ա անել»: Գագիկ Ծառուկյանի տեքստերում հայ ժողովրդին վերագրվում են կոնկրետ որակներ, ինքը և սեփական թիմը ներկայացվում են որպես հենց այդ որակները կրող սուբյեկտներ, իսկ Ծառուկյանի հետ կոնֆլիկտ ունեցողները, ներկայացվում են որպես այդպիսի որակներից զուրկ սուբյեկտներ:

«Գոնե հարգա՛նք ունեցեք, հա՛յ եղեք, քրիստոնյա՛ եղեք, տղաս թող մնա տունը որպես տղամարդ»: «Ես կարող եմ ասել՝ հալալ է, ես Պետրոսյան Գևորգի ցավը տանեմ, որ նա՝ որպես հայ քրիստոնյա ազգ, առաջին քրիստոնյա ազգն ենք, ընտանիք, սրբություն, եկեղեցի, Աստվածաշունչ... մեզ համար անընդունելի է, որ ասենք, թե համասեռամոլները երեխա որդեգրեն և այդ երեխային դաստիարակեն»: Գագիկ Ծառուկյանի տեքստերում երևում է, որ նա ինքն իրեն և իր սեփական թիմը ներկայացնում է որպես միասնական կամք ունեցող, միատարր ժողովրդի շահերը ներկայացնող սուբյեկտներ. «Մենք այստեղ լինելու ենք ժողովրդի ներկայացուցիչը, ժողովրդի ձայնը. այն, ինչ որ ժողովրդին հուզում ա, մենք բարձրաձայնելու ենք: «Ժողովրդի կողքը պետք է լինել, ժողովրդին պաշտպանելու համար»: «ԲՀԿ-ն ժողովրդի ձայնն է խորհրդարանում»: Գագիկ Ծառուկյանի տեքստերում նա ինքն իրեն դիտարկում է որպես մի մարդու, ով սիրում է այդ միասնական, միատարր կոնկրետ արժեքներ ունեցող ժողովրդին, գիտի նրա կարիքները, օգնում է նրան և այլն: Ընդհանրապես, Գագիկ Ծառուկյանի խոսքից կարող ենք եզրակացնել, որ ինքը հակված չէ գաղափարական տարբերությունները, մշակութային բազմազանությունը ներկայացնելու որպես դրական երևույթներ. «Ծառուկյանը ժողովրդի հետ շփվող, ժողովրդի հոգսով շարժվող մարդ ա»: «Մենք ավանդական ազգ ենք… Ինչքան ուզում է ասեն՝ մենք հետամնաց ենք, դա մեզ համար անընդունելի է»: (Այս խոսքերն ասվել են ստամբուլյան կոնվենցիայի հարցի առիթով:)

Գագիկ Ծառուկյանի տեքստերում նկատվում է առանց հիմնավորումներ ներկայացնելու էմոցիոնալ, չափազանցված գնահատականներ տալու միտում. «Ոչ մեկ քարը քարին չի դրել, Փաշինյանի հետ քայլել ա, պաշտոն ա ստացել»: «Տրաքած վիճակ ա»: «Համաճարակը կործանել եք, տապալել եք, ամբողջ ազգը հիվանդ ա»: Գագիկ Ծառուկյանի տեքստերում նկատվում է առանց կոնկրետ անուններ տալու «չարը» մարմնավորող ինչ-որ դավադիր ուժերի մասին խոսելու, ինչպես նաև հիմնական ընդդիմախոսներին ընդհանրական մեղադրանքներ ներկայացնելու միտում. «Ուզում եմ միանշանակ փաստել, որ ես՝ որպես Հայաստանի Հանրապետության ամենամեծ ընդդիմադիր քաղաքական ուժի՝ «Բարգավաճ Հայաստան» կուսակցության նախագահ, որպես քաղաքական գործիչ, որպես քաղաքացի, կանեմ ամեն ինչ՝ կանխելու մեր երկրում հակառուսական տրամադրությունների ստեղծմանը նպատակաուղղված սադրանքները»: «Կամ չեք կարողանում, կամ թույլ չեն տալիս ձեզ»: Գագիկ Ծառուկյանի տեքստերին բնորոշ գծերից մեկն էլ սեփական քայլերի և խոսքերի արդարացիությունն ու ճշմարտացիությունը մատնացույց անելն է. «Ես իրականն եմ ասում»: «Ես ամեն ինչ գիտեմ»: Հարկ է նշել, որ Գագիկ Ծառուկյանի խոսքում չի նկատվել խնդիրները բռնության ճանապարհով լուծելու ընդունելի լինելու մասին որևէ ակնարկ: Սակայն նրա խոսքում, ինչպես արդեն նշել ենք, նկատվում է ծայրահեղ անհանդուրժողականություն, իր գնահատմամբ՝ «սխալ» մարդկանց և խմբերի նկատմամբ:

Հետազոտությանն ավելի մանրամասն կարող եք ծանոթանալ՝ անցնելով հետևյալ հղումով՝ 

https://political.am/storage/uploads/files/Online_Version_Populizm-in_Armenia_Final_9June21.pdf

 

 

ԼՂ հակամարտություն և արտաքին հարաբերություններ
17/06/2021 16:35

Ի՞նչ է առաջարկում «Բարգավաճ Հայաստան» կուսակցությունը ԼՂ հակամարտության և արտաքին հարաբերությունների ոլորտում։ 

Սոցիալ-տնտեսական վերականգնում
17/06/2021 16:31

Ի՞նչ է առաջարկում «Բարգավաճ Հայաստան» կուսակցությունը Սոցիալ-տնտեսական վերականգնման ոլորտում։ 

Ներքին քաղաքականություն
17/06/2021 16:12

Ի՞նչ է առաջարկում «Բարգավաճ Հայաստան» կուսակցությունը  Ներքին քաղաքականության ոլորտում։ 

Գիտություն և կրթություն
17/06/2021 13:45

Ի՞նչ է առաջարկում «Բարգավաճ Հայաստան» կուսակցությունը Գիտության և կրթության ոլորտում։ 

Կուսակցության և թեկնածուի հայտարարագրերը
16/06/2021 17:38

Կուսակցության հայտարագիրն է՝ 

Անշարժ գույք-0,

Շարժական գույք-0,

Թանկարժեք գույք-0,

Դրամական միջոցները-573․000 ՀՀ դրամ,

Բաժնեմաս և փայաբաժին-0,

Եկամուտներ-9․151․000 ՀՀ դրամ։

Գագիկ Ծառուկյանի հայտարագիրն է՝

Անշարժ գույք-25,

Շարժական գույք-17,

Թանկարժեք գույք-43,

Արժեթղթեր և այլ ներդրումներ-54 ընկերություններում,

Դրամական միջոցներ - 877 300 000 ՀՀ դրամ, 52850 000 ԱՄՆ դոլար, 5001400 Եվրո, 

Եկամուտներ-849 523565 ՀՀ դրամ, 33125 ԱՄՆ դոլար, 561738 Եվրո։

Գագիկ Ծառուկյանի մասին
10/06/2021 00:09

Գագիկ Ծառուկյան 

ԱԺ պատգամավոր

1975-1977թթ. Գագիկ Ծառուկյանը ծառայել է ԽՍՀՄ բանակում։

1989թ. ավարտել է Ֆիզիկական կուլտուրայի հայկական պետական ինստիտուտի մարզչամանկավարժական ֆակուլտետը:  

2003թ.-ին մեծամասնական կարգով ընտրվել է ՀՀ Ազգային Ժողովի պատգամավոր, իսկ 2004թ.-ին հիմնադրել է «Բարգավաճ Հայաստան կուսակցությունը: 

2007թ.-ին առաջին անգամ մասնակցելով խորհրդարանական ընտրություններին՝ Բարգավաճ Հայաստանը ՀՀ Աժ-ում ձևավորեց մեծությամբ երկրորդ խմբակցությունը:

2015 թվականի մարտի 5-ին  ներկայացրել է հրաժարական կուսակցության և ԱԺ «Բարգավաճ Հայաստան» խմբակցության ղեկավարի պաշտոնից և հեռացել քաղաքականությունից։

Փետրվարի 13-ին ՀՀ Նախագահի հրամանագրով հանվել է ՀՀ Ազգային անվտանգության խորհրդի կազմից։ 

2017 թվականի ապրիլի 2-ին կայացած Ազգային ժողովի 6-րդ գումարման ընտրություններում ընտրվել է պատգամավոր «Ծառուկյան» կուսակցությունների դաշինքի կազմից։

 2018 թվականի դեկտեմբերի 8-ին Ազգային ժողովի 7-րդ գումարման արտահերթ ընտրություններում ԱԺ պատգամավոր է ընտրվել «Բարգավաճ Հայաստան» կուսակցության համապետական ընտրական ցուցակով։

 

Կուսակցության ընտրական ցուցակի առաջին 20-յակը՝
08/06/2021 17:53
  1. Ծառուկյան Գագիկ
  2. Մելքումյան Միքայել
  3. Տոնոյան Իվետա
  4. Սիմոնյան Դավիթ
  5. Գուլոյան Կարապետ
  6. Իսայան Շաքե
  7. Գևորգյան Քաջիկ
  8. Աբովյան Արման
  9. Սարգսյան Լուիզա
  10. Դավթյան Հրանտ
  11. Օքմինյան Սուրեն
  12. Առուստամյան Նորա
  13. Ստեփանյան Տիգրան
  14. Ծառուկյան Արտյոմ
  15. Նասիբյան Մայրանուշ
  16. Մադաթյան Հրանտ
  17. Հարությունյան Արսեն
  18. Վիրաբյան Հասմիկ
  19. Դավթյան Դավիթ
  20. Մինասյան Կառլեն

 

Վիդեո նյութեր